Gouvernement p force dimun van zot terain Les Salines pou construire Harbour Bridge, eski zot penser li korek sa?

Mo deman mwa si kit minis ti p reste laba si li ti pou forcer pou vann so lakaz. Moris p empirer de zour en zour. Sanser zot dir enn pays demokratik sa!!!

Dan lettre ki "Minis La Terre" finn avoyer, li dir "J’ai décidé d’acquérir obligatoirement, au nom de l’Etat, un lopin de terre situé à Les Cassis et à Les Salines à Port-Louis pour la construction du Harbour Bridge sous le Public-Private Partnership Road Decongestion Program". Premie dabor, linn decider pou gagne sa bann later, b pou li sa later pou ki li pran enn decisyon kumsa. Laiss proprieter la decider si li anvi vann so later.

Pou resudre problem trafik ou craze lakaz dimun? Ki sa logik la? Ale craze montagne sipa ki tunel zot ti p rod fer avan, laiss sa ban dimun la trankil.

Sa ki p ariver la, li parey kuma dan fim indien kot ban gran businesman rod acheter later bann povre, force zot, trik zot pou zot signer.

Mai so problem ladan, bann proprieter la pou vann zot terain parski zot pou gagne enn mari bon offre, mo panse pa oken dimun pou refiser et kontester sa decisyon la.