Kuma fer buton 'Read More' vinn 'Lir Laswit' lor Wordpress?

768 views

6 replies

3 users

Mo'nn kumans enn sit inn geyn kat sink moa . Avan mo ti pans fer li an Angle ek Kreol , me apre mo'nn desid pu servi zis Kreol . Mo ekrir bann ase long lartik e sa ti pe fer mo paz uvertir vinn tro long .
Mo'nn kup enn bann lartik ar buton *Read More* ('Continue reading' anfet)me turv sa fer tas lor mo blog e mo ti le ranplas li par Lir Laswit . Kuma mo kapav sanz sa ? Aparama bizin al regle sa lor php ,index.php : bann zafer kumsa .Wordpress so lexplikasyon pa kler.
Mo kwar dayer ki mo kestion ti bizin : Kot turv php? Parski normalma mo conn debriy mwa tusel enn fwa ki mo cone kot pu kumanse . Mo pena okenn formasyon lor kompyuta . Mo'nn zis aste enn pc e mo'nn kumans servi. Mo tia contan geyn enn lexplikasyon ki kumans lor kumansman e pa omilye .

6 Replies

Sagitarius Level 2

Pu lemoman mo pa anvizaz pu host mo prop blog. Alor pli tar ki mo a sanz buton la. Mersi kan mem.
Kan geyn sa seksyon lartik la sirma mo pu ena enn de size lor ki mo pu anvi poste .

Sagitarius Level 2

Non , mo pa'nn capav fer li kumsa . Dan Appearance ena: Themes, Widgets, Menus, Extras, iPad, Background, Header, Theme Options, Typekit Fonts, Edit CSS. Mo pa'nn turv ni Editor, ni Templates, ni Main Index Template .

Mo'nn get dan Edit CSS ki ena, me pena sa laliyn bizin sanze la .

gices Level 6

Akoz to blog lor wordpress.com to pa kapav sanz ban file php la; to kapav zis sanz css.

Pou to ressi sanz sa bouton "read more" la, to bisin host to blog lor to propre server (shared hosting/VPS/dedicated). Solisyon ki mo fine done twa laho marser (mone tester li sa) mais to bisin ena to propre hosting.

To ena 2 solisyon aster:

Pran to propre hosting, lerla to bouz to blog lor la (to pou kapav fer ban sanzman necesair lerla)
Ekrir to ban lartik kreol lor CleverDodo (ziska la fin la semaine pou ena section lartik la avek facilite komentair tousa). Pli buku dimun pou truv to ban lartik :)

gices Level 6

Letan to login lor to blog kuma admin, agoche lor to navigasyon to pu truv 'Appearance' - pu ena Themes, Widgets, Menus, Editor. Klik lor Editor, lerla dan navigasyon adroite kot dir 'Templates', klik lor 'Main Index Template'.

Omilye aster (kot ena ban code lor paz to p geter la), rod sa phraz la:
if ( $woooptions['woopostcontent'] == "content" ) { thecontent('[...]'); } else { theexcerpt(); }

Sanz li fer li vin:
if ( $woooptions['woopostcontent'] == "content" ) { thecontent('Lir Laswit'); } else { theexcerpt(); }

Klik lor bouton 'Update File' pou save ban sanzman la.

Lerla geter si li marser. Si ena kit problem, fer mwa conner.

Sagitarius Level 2

Mo servi them Bueno . Mo sit Sagitarianblog . Chek li lor Google me eple li parey kuma mo'nn ekrir, si ena erer normalma pa geyn li. Mo ti met so URL me pa geyn drwa aparama .Uswa tap sagitarianblog.wordpress.com dan URL box .Kapav to turv sit la inpe an dezord : actyelma mo'nn fek kree enn lot sit e mo pe fer enn bann ti demenazma .