Kuma fer enn propozisyon maryaz ?

582 views

5 replies

5 users

Mo panse sa mem gran defo langaz Kreol. Zame mo'nn resi turv enn formil corek an Kreol pu dir sa ! Pena nanye, mo kwar, dan styl: Will you marry me? u Veux tu m'epouser?

5 Replies

yash_ash Level 1

Sa question la fer moi rapel mo cheri ki mo ena depuis l'age de 16 ans :$ Mo pas trop rapel koment nu ti koz zafer marriage la (mo sur li rapel sa bien though). Pas tracas, li pou vini pas li meme sa :) Toutefois, to kapav accompagne sa avec 1 chocolat, n fleur, ou n cado x)

yonne Level 2

"tpu maryer ek mw?" korek li, tou depan lafason to p dir li si to sincere to fam pu truver non pa bizn oken baratin sa :)

gices Level 6

Mo truv "To pou maryer ar mwa?" korek mwa. Li kapav paret drol letan to lir li aster la mai sa depan lor ki fason to dir li ek presante li ar dimun to p rod maryer la.

Si to dir "Will you marry me?" san ki to romantic/sentimantal, to propozisyon maryaz lasi pa pou marser...ki to panser?

Sagitarius Level 2

Mo'nn mazinn bann fam ki mo'nn deza contan, e mo pa turve mo ti pu capav nek dir enn u lot ladan 'To pu marye ar mwa?' Mo geyn limpresyon ki sa formil la, bizin acompayn li ek inpe zistwar, inpe baratin ki capav nuir bann relasyon plitar.
Mo panse enn meyer formil se: [dizon mo pe adres ar kikienn apel Eve] 'Eve,Anu marye' me sa osi mo pa sir li vreman enn bon formil. Mo dimann mwa, apar sa ki lot formil ena ?

gices Level 6

Mo penser ki kan to pou zoine to soulmate, to pou conner kuma pou propose li - ban mots la pou vini par li mem. Alor pa necesair tro casse latete pou gagne meilleur formil aster la.

En passant to kapav servi bouton "komentair" lor sak repons si to p met ene komentair amoins ki to fine gagne repons ki to p roder pou kestion la...chek sa link la merci.