Eski bizin abolir lesson priver (private tuition)?

Depi lontan zot ti bizin retir sa bann leson prive la. Fer gagne sagrein get sa bann zenfan lekol la avek sa bann gro sak la. Mo panser bann paran fer dominer ek zot zenfan sa. Piti la bizin leve boner, reste dan lekol enn zurne, apre letan sa fini, zot bizin ale leson particulier.

Sa finn vinn enn zafer normal aster. Kuma lekol fini, leson kumencer. Eski enn lavi pu amener pu enn zenfan sa? Mo panse pa mwa. Tu dimun anvi zot piti fer bien, mai ena enn limit osi. Pa kapav fer zenfan pass miser kumsa.

Si problem la vinn ek profeser dan lekol ki pa montrer bien ou pa montrer assez, alor bizin resudre problem la dan lekol mem. Pa zis sa, komien cass enn paran bizin depanser ek sa kantite leson pu zenfan la? Eski li zustifier? Kifer met ledykasion gratis apre bizin depans cass lor leson? Plito fer tu dimun payer pu ledykasion, kumsa zenfan kuma fini lekol kapav zuer imper, relax...