Ki bann legim perenial ki kapav plante dan Curepipe?

Posted by
341 views
5 replies
4 users
Sagitarius
Khush_Mendossa
gices

Dan lakur par derier kot mwa ena enn ti bout apepre 15x20 pie kot ena zis sousou ek banann. Mo ti le diminie inpe banann e met lot zafer. Si mo geyn enn pie bred mouroum mo'nn fini rezerv so plas. Mo pe pans osi met lalo me mo pa tro sir si li vinn bien dan Curepipe.

Mo'ena enn problem mobilite e mo kapav okip zis bann pie ki pa pu dimann bann swen tro frekan, ki pa replant tro souvan, e ki pa tro ba [omwin 3 pie oter] Apar lalo ki bann legim dan sa deskripsion la ki mo kapav plante?

5 Replies

gices
gices Level 6

Bon mo panser tonn met perenial parski to anvi bann plante bann legim kot to pa pou bizin depans buku to letan. Alor saki mo konseil twa:

  1. Pom Damour : To kapav met pom damour dan nimporte ki manger. Letan to acheter pom damour, nek garde so lagrain pou to planter. Enn foi ki ban pie la finn monter, to zis bizin donn li so delo pou li pa mor. Kan linn gagne pom damour, si to pa finn gagne letan cass tou, sa ki pou tomber la pou pouri ek samem so lagrain pou germer lane prosain. Sel problem to kapav gagner c ki kapav pou ena tro buku pie pom damour ki pou monter si tro buku finn tombe ek puri.

  2. Lisou : Sa pou pousser bien dan Curepipe; mo pa ti gagne problem dan lagleter mwa.

  3. Giromon : Parey kuma sousou, li pou filer mai to bizin laiss li file enba. Lerla to pou gagne bon brede ki to kapav casser kan to anvi (leker la ki pli bon) ek kan giromon la parer, to kapav fer bon tufe.

Dapre mo lexperians, sa bann legim la pousser extra bien mem kot fer frai ek to pa bizin buku depen r zot. Sousou ek pom deter si fasil pou planter.

Sagitarius
Sagitarius Level 2

Pomdamour ek zirimon paret interesan. Sousou mo deza ena. Lisou pa frazil sa?

Khush_Mendossa
Khush_Mendossa Level 3

Brinzel
Bamboo Shoots

Pou lalo la pousse bien, to bizin fer 1 bon system drainage delo, met li dans 1 place haute pou ki delo la kav desan vite. Si posib, fer 1 toit avek plastic transparent ek perce imper trou dans plastic la.

Mo conseil toi plante ban arbres fruitiers ek plante neem.

Khush_Mendossa
Khush_Mendossa Level 3

Aussi, ban legim filante ti pou mari bon dapres to description. Fer ban poto solid ek met imper metalic lor zot apres laisse to ban plante filer. To pas pou gagne problem hauteur narien. To kav met pipangaille tousa

Sagitarius
Sagitarius Level 2

Bamboo shoots inpe tro exotik pu mwa. Neem kapav vinn tro gran, cote fri si mo geyn enn pie bilimbi mo pu sey sa. Pipangay inpe frazil mo kwar: enn fwa mo ti plant lagren, mo ti geyn 50-60 plan me tu ti mor. Mo pu resey li.

Have something to say?
Ask a Question