Eski bann hormonn krwasans ar lakel tret volay capav afecte krwasans himin?

Dizon ki mo'nn turv enn kantite tifi 15an ki paret laho 20an. Mo ena mem enn nies kumsa. Seki mo ti le dir se sirtu se ki zot ena gabari fam. Aster ena buku zenn tifi ki buku pli gran ki zot mama.

Wep ban hormonn mem sa; mo ti p get enn documentaire lor sa (dimum veilli pli vite ek gagne boukou maladie si).

Monn mange ban zafer organik tank ki posib aster mwa mai dan moris mo pense pa dimun conne ban diferans la? Dan bazar to pa mem conner ki legim fine aroser ar pesticide ki ena kemical tousa ek finn gagne hormonn pou gradi vite?

Sa coze 'rezim vezetarien pli bon pu la sante' la, mo tia bien contan cone kot li'nn kumanse sa. Mo'si mo geyn sa traka ki pe ariv nu planet la, me selma mo bien contan manz pul, bef tusala [kan mo get enn pul mo panse li'nn kree expre pu al dan karay ek so masala] alor pu planet la mo tia prefer ki dimun aret rul loto net e mont bisiklet plito.

Bokou dimoune p rant végétarien aster. Suretou dan bane lezot pays - bane pays dévlopé. Lamod la, dan morice, fine comansé akoz plusieur zafer:

- Moriciens pé vine pli health-concious.

- ISCKON

- Dimoune aster koné ki pou fer pou evit mort ar diabete, obézité et heart attack.

- Et akoz l'information pé pass pli bien asterla ki avan, dimoune koné ki li scientifikman prouvé ki ene régime végétarien pli bon pou la santer.

- Apré, lé rést, akoz religion pa permet manz zanimo, laviane kout sèr, etc. Mais sa li bien minim.

Bane lezot lavantaz:
- Pa gagne problem digestion
- Tom malad moins souvent
- Akoz gagne pliss fibre, cirkilasion disan amélioré

En dehor, dimoune pé rant végétarien plis akoz global warming, livestock, kombat obézité et pou protéz zanimo. Bane statistik prouvé ki si ena bokou dimoune rant végétarien, sa bane problèm la pou diminié, et pou ena moins risk épidémi, etc.

Ena bokou bane célébrité kouman Natalie Portman et Jamie Oliver ki influence bane cominoté pou kombat lelvaz indistriel. Parski

lelvaz indistriel = gro polision, etc

Moi, mo végétarien depi 6 ans. Mo ti fer serman ki zamin mo pou aret manz poul. Mais, pou certaine raison, mone diminier laviane dan mo manzé... 1 mois, 2 mois, 3 mois passé.. ziska mone rant végétarien net!

Manzé végétarien so gou pa bon?

MENTI
Ena ene gran varieté foss laviane ki zot fer avek soya, et bane zépiss, ki ena mem gou ki poul et bane lezot vrai laviane.

Bane végétarien gagne moins protein et vitamine B?

MENTI (et impé vré)

Ena solution: Diet la bizin bien controlé.

Dimoune rant végétarien ossi akoz li facil pou rant végétarien. Péna nanien pou perdi.

Malerezman, ena ossi bane lezot moricien ki mal informé pensé ki végétarianism ene zafer zist religion sa et en mem temp, zot pensé ki dan nou le monde "modern", religion pé démodé alor zot manz saki zot oulé. Akoz sa ena malbar aster ki manz béf.

Zot kontan manz laviane akoz li bon pou lalang.

Btw, to fine deja sorti depi Curepipe et pass rond point Belle Riv? Gagne bon parfin non? Lot kout get a droit, to pou trouv ene gran batimen. C ene lizine kot zot fer lelvav zanimo fasson indistriel. Malgré ki li 200m distance depi chemin, senti lodèr la bien, concentré.

Mo kapav ekrir ene lartik net lor la mais mo pensé mone ékrir assé la.

@thesithlord : Wep, to ti kapav ekrir enn lartik mem lor la. Mai top komentair selma sa :)

@thesithlord: cki tone ecrire in encourage moi pou rent vegetarienne. Serieusement,mo croire mo aret manz poule moi :S :S :S