Ki ban bienfai deluil fadmori?

Delwil fwadmori ena buku vitamin A ek D. Normalman kan nu al dan soley, nu lapo fabrik sa vitamin la. ki esansiel pu lezo absorb Calcium. Vitamin D rar geyn li dan manze. Ena li dan zonn dizef ek sirtu dan delwil fwadmori. Si mank Vitamin D, Calcium pa tro absorbe e lezo vinn feb.

Bizin ranforsi lezo depi zanfan, parski lezo ariv so lafors maximom l'az 25 an. Pa capav fer li vinn pli solid apre sa, me bizin contiyn pran Calcium ek Vitamin D pu retard vieyisman lezo, ki kumans pli boner ki vieyisman leres lecor.

Delwil fwadmori contenir buku Vitamin A. Fode pa bwar buku sa delwil la, sinon capav absorb tro buku Vitamin A. Vitamin A li importan pu lizie, me enn bann organ ki pli afecte par overdoz Vitamin A se zisteman lizie. Lezo, seve, bann artikilasion, ek lerein.

Bann fam anceint osi bizin fer atansion ar Vitamin A. Bizin zot pran Vitamin A pu zot tibaba devlop bien, me si zot pran tro buku baba la capav geyn bann malformasion. Ena bann etid ki conteste u minimiz bann risk ki overdoz reprezante pu tibaba dan vant mama.

Kantite maximom ki capav absorbe varie dapre sak dimun, me li recomande ki pa depas 25000 IU par zour pu enn adult, u 10000 IU par zur pu enn zanfan. Bann l'efe overdoz disparet kan diminie doz pu enn adult, me domaz capav permanan pu enn zanfan.

Vitamin A bien esansiel pu system iminiter, li ogmant rezistans kont tu bann infeksion. Sa vitamin la, li osi neseser pu lasante nu lapo.

Donc delwil fwadmori li bon pu: lezo solid, lizie, lapo, ek enn constitision solid ki pa per infeksion. Me selma fode pa pran tro buku.
Mwa kan mo ti tipti mo ti pran de, parfwa trwa kuyer par semenn, e mo capav dir ki avek sa doz la, geyn bann lezo ase solid.